طريقة عمل فلاشة Bootable لتثبيت macOS Catalina من الماك

  طريقة عمل فلاشة Bootable لتثبيت macOS Catalina من الماك

في هذا الشرح سنقوم بإنشاء فلاشة USB Bootable لتثبيت macOS Catalina باستخدام جهاز Mac نفسه 

بدايةً من تحميل نسخة macOS Catalina وحتى تجهيز الفلاشة باستخدام Terminal.

لا نحتاج إلى استخدام برامج خارجية لإنشاء الفلاشة، لأن macOS يوفر أداة رسمية لإنشاء Bootable Installer.

ماذا سنحتاج؟

جهاز Mac يعمل بشكل سليم.

 فلاشة USB بسعة مناسبة لملفات macOS Catalina.

 اتصال بالإنترنت لتحميل النظام.

 Disk Utility لتهيئة الفلاشة.

 Terminal لإنشاء الـ Bootable Installer.

 1. تحميل macOS Catalina

نبدأ بفتح متصفح Safari والبحث عن تحميل macOS Catalina.

نختار صفحة Apple الرسمية الخاصة بـ macOS Catalina، ثم ننتقل إلى Mac App Store ونبدأ عملية تحميل النظام.

بعد انتهاء التحميل تصبح ملفات تثبيت macOS Catalina موجودة على جهاز Mac، ويمكن استخدامها لإنشاء فلاشة التثبيت.

2. تجهيز الفلاشة

بعد توصيل الفلاشة بجهاز Mac، نفتح:

Disk Utility

ثم نحدد الفلاشة الصحيحة ونستخدم خيار:

Erase

لتهيئة الفلاشة وتجهيزها لعملية إنشاء الـ Bootable Installer

 Erase ستؤدي إلى حذف البيانات الموجودة على الفلاشة، لذلك تأكد من اختيار الفلاشة الصحيحة قبل تنفيذ العملية.

 3. فتح Terminal

بعد تجهيز الفلاشة نفتح تطبيق

Terminal

ثم نستخدم أداة Apple الرسمية

createinstallmedia

وهي الأداة التي تقوم بإنشاء وسيط تثبيت قابل للإقلاع لنظام macOS.

4. إنشاء فلاشة macOS Catalina Bootable

نستخدم الأمر الخاص بـ macOS Catalina مع تحديد الفلاشة كـ Volume.

بعد تنفيذ الأمر سيطلب النظام إدخال كلمة مرور المستخدم، ثم تبدأ عملية مسح الفلاشة ونسخ ملفات تثبيت macOS Catalina إليها

قد تستغرق العملية عدة دقائق حسب سرعة الفلاشة والجهاز.

عند انتهاء العملية تظهر رسالة تؤكد نجاح إنشاء الـ Bootable Installer.

5. الفلاشة أصبحت جاهزة

بعد انتهاء العملية تصبح الفلاشة جاهزة لاستخدامها في تثبيت macOS Catalina على جهاز Mac متوافق.

 شاهد الشرح بالفيديو

في الفيديو التالي أوضحت العملية بالكامل من تحميل macOS Catalina وحتى إنشاء فلاشة USB Bootable باستخدام Terminal:

تأكد دائمًا من اختيار USB الصحيح داخل Disk Utility وTerminal، لأن اختيار قرص آخر بالخطأ قد يؤدي إلى فقدان بياناته.

كما يُفضل الاحتفاظ بنسخة احتياطية من أي بيانات مهمة قبل إجراء عمليات التهيئة أو تثبيت النظام

اقرأ المزيــد ←

Elsakar Tech Diagnostic Agent — تشخيص وفحص HDD وSSD بطريقة أبسط

 تشخيص وفحص HDD وSSD بطريقة أبسط

هل تخيلت قبل كده إنك تقدر تبدأ فحص الهارد والـSSD بمجرد كتابة أمر بسيط، بدل ما تكون محتاج تحفظ مجموعة كبيرة من أوامر الفحص والتشخيص

من هنا بدأت فكرة Elsakar Tech Diagnostic Agent

الأداة يتم تطويرها بهدف جعل عملية فحص وتشخيص وحدات التخزين أكثر سهولة وتنظيمًا، خصوصًا لفني صيانة الكمبيوتر واللاب توب الذي يحتاج إلى الوصول إلى معلومات القرص، وبيانات SMART، والاختبارات، والتشخيص والتوصيات من مكان واحد

في الفيديو التالي هتشوف تجربة فعلية من داخل الأداة، بداية من اكتشاف الأقراص وحتى عرض معلومات القرص وحالته

 الفكرة ببساطة

بدل ما تكون مضطر تحفظ أوامر كثيرة، الأداة مصممة بحيث تتعامل مع أوامر بسيطة ومباشرة

على سبيل المثال

اعمل اسكان

فتقوم الأداة باكتشاف الأقراص المتصلة وعرضها

 WDC WD5000    HDD

 TOSHIBA    HDD

KINGSTON     SSD

بعد ذلك يمكنك اختيار القرص المطلوب

 اختار القرص 

ثم طلب معلوماته

بياناته

فتظهر معلومات مثل

 Model

 Capacity

 HDD / SSD

 Interface

Link Speed

 Rotation Speed 

عند توفرها

 معرفة حالة القرص

يمكنك ببساطة كتابة

 هات الهيلس او الهليث او حتى health

هيلسه كام أو صحته

والأداة تعرض حالة الصحة المحسوبة اعتمادًا على بيانات SMART الفعلية المتاحة للقرص

التشخيص

إذا كنت تريد الانتقال من مجرد عرض المعلومات إلى التشخيص

افحصه

ويمكن بعد ذلك طلب شرح للمشكلة

 ايه البايظ

أو معرفة الإجراء المقترح   محتاج ايه اجراء

الفكرة هنا ليست مجرد عرض أرقام SMART

 وإنما الوصول تدريجيًا إلى تقييم مفهوم للفني بدل تركه أمام عشرات القيم والأرقام بدون تفسير

 الاختبارات

الأداة تحتوي أيضًا على أوامر للاختبارات، مثل

 اعمل surface test

وذلك للوصول إلى معلومات إضافية تساعد في تقييم حالة وحدة التخزين

 التقرير

وفي النهاية يمكن طلب إنشاء تقرير:

 اعمل تقرير

ليتم تجميع نتائج الفحص والتشخيص في صورة أكثر تنظيمًا

 المساعدة

ولو نسيت أي أمر، مش محتاج تحفظه

اكتب فقط  مساعدة

فتعرض الأداة الأوامر المتاحة، ومنها

 فحص الأقراص

 اختيار قرص

عرض بيانات القرص

 تفاصيل SMART

تشخيص القرص

 عرض الصحة

 شرح المشكلة

 الإجراء المطلوب

 الاختبار السطحي

 إنشاء التقرير

 دليل الفحص

 معلومات عن الأداة

 الهدف من المشروع

الهدف من Elsakar Tech Diagnostic Agent  هو بناء نظام يساعد فني الصيانة

 على التعامل مع فحص وتشخيص HDD وSSD بطريقة أبسط وأكثر تنظيمًا

بدل ما تكون العملية

أداة → أمر → نتيجة → أداة أخرى → اختبار → تفسير يدوي

الفكرة أن تصبح أقرب إلى

طلب بسيط → فحص → تحليل → تشخيص → توصية → تقرير

والمشروع ما زال في مرحلة التطوير، والهدف هو إضافة المزيد من الاختبارات والتحليلات وتحسين طريقة تقييم الحالة مع الحفاظ على أهم نقطة

التشخيص لا يعتمد على التخمين، وإنما على البيانات والاختبارات المتاحة

 ملاحظة مهمة

أي نسبة صحة أو تقييم للحالة يجب التعامل معها باعتبارها مؤشرًا مبنيًا على البيانات المتاحة  وليست ضمانًا بأن القرص لن يتعرض للفشل

خصوصًا في وحدات التخزين، لا يكفي الاعتماد على SMART وحده للحكم النهائي على الحالة الفيزيائية للقرص

 Elsakar Tech

مشروع يتم تطويره لتسهيل أعمال فحص وتشخيص الكمبيوتر ووحدات التخزين HDD وSSD

الفكرة بسيطة  بدل ما تحفظ الأمر... قول للأداة أنت عايز إيه

اقرأ المزيــد ←

فحص الهارد ديسك باستخدام Smartmontools وتحليل بيانات SMART

فحص الهارد ديسك باستخدام Smartmontools وتحليل بيانات SMART

  

عندما يبدأ الهارد ديسك فى إظهار بطء شديد أو تهنيج أو اختفاء ملفات أو ظهور أصوات غير طبيعية، فإن أول خطوة يجب القيام بها هى قراءة بيانات SMART الخاصة بالهارد.

تقنية SMART اختصار لـ
Self-Monitoring Analysis and Reporting Technology
وهى نظام مراقبة مدمج داخل الهارد ديسك أو SSD يقوم بتسجيل حالة القرص والأخطاء التى تحدث أثناء التشغيل.
هنعرف هنا  ازاى نستخدم برنامج Smartmontools لفحص حالة الهارد وتحليل أهم القيم ومعرفة هل الهارد سليم أم يحتاج إلى استبدال
تحميل وتثبيت برنامج Smartmontools على نظام ويندوز
 تحميل Smartmontools
بعد انتهاء التثبيت افتح Command Prompt كمسؤول (Run as Administrator).
الخطوة الأولى: التعرف على الأقراص المتصلة بالجهاز
الأمر:
smartctl --scan
وظيفة الأمر - يقوم بعرض جميع الأقراص التى يستطيع البرنامج الوصول إليها.
مثال
/dev/sda
/dev/sdb
فى هذا المثال:
 الهارد الأول = sda
 الهارد الثانى = sdb
ملاحظة:
قد تختلف أسماء الأقراص من جهاز إلى آخر.
 الخطوة الثانية: عرض معلومات الهارد
الأمر
smartctl -i /dev/sda
وظيفة الأمر - عرض معلومات القرص الأساسية.
ستجد معلومات مثل
 الشركة المصنعة
 موديل الهارد
 الرقم التسلسلى
 إصدار الفيرموير
مثال
Device Model
Serial Number
Firmware Version
هذه الخطوة مهمة للتأكد من أنك تعمل على القرص الصحيح.
الخطوة الثالثة: فحص الحالة العامة للهارد
smartctl -H /dev/sda
مثال للنتيجة
SMART overall-health self-assessment test result: PASSED
معنى PASSED
أن الهارد مازال داخل الحدود التى يعتبرها المصنع آمنة.
تنبيه مهم
PASSED لا تعنى أن الهارد ممتاز 100%.
قد يكون الهارد يحتوى على قطاعات تالفة أو مشاكل بدأت فى الظهور رغم ظهور PASSED.
لذلك يجب دائماً مراجعة تقرير SMART الكامل.
 الخطوة الرابعة: استخراج تقرير SMART الكامل
الأمر
smartctl -a /dev/sda
هذا أهم أمر فى البرنامج.
يقوم بعرض جميع بيانات SMART المسجلة داخل الهارد.
من خلال هذا التقرير نستطيع الحكم الحقيقى على حالة الهارد
أهم القيم التى يجب متابعتها
 Reallocated Sector Count
رقم الخاصية   05 Reallocated_Sector_Ct
تمثل عدد القطاعات التالفة التى قام الهارد باستبدالها بقطاعات احتياطية.
إذا كانت القيمة  = 0   فهذا ممتاز.
إذا بدأت القيمة فى الزيادة باستمرار فهذا مؤشر على تدهور سطح التخزين.
Current Pending Sector Count
رقم الخاصية 197 Current_Pending_Sector
تمثل عدد القطاعات التى فشل الهارد فى قراءتها وينتظر إعادة اختبارها.
القيمة المثالية = 0  إذا كانت أكبر من صفر فيجب الانتباه جيداً.
وجود Pending Sectors غالباً يؤدى إلى
 بطء شديد
 تهنيج النظام
توقف النسخ
 مشاكل أثناء الإقلاع
 Offline Uncorrectable
رقم الخاصية  198 Offline_Uncorrectable
 تمثل عدد القطاعات التى لم يتمكن الهارد من إصلاحها.
القيمة الطبيعية = 0 أى قيمة أكبر من صفر تعتبر مؤشراً سلبياً.
Power On Hours
تمثل إجمالى ساعات تشغيل الهارد منذ خروجه من المصنع.
 مثلا  1200
أى أن الهارد عمل لمدة 12000 ساعة تقريباً
Power Cycle Count
رقم الخاصية:
Power_Cycle_Count 
تمثل عدد مرات تشغيل وإيقاف الجهاز.
UDMA CRC Error Count
رقم الخاصية  199 UDMA_CRC_Error_Count
هذه الخاصية مهمة جداً.
إذا كانت مرتفعة فقد يكون السبب
 كابل SATA تالف
 كابل ردىء الجودة
 مشكلة فى التوصيلات
فى كثير من الحالات لا يكون الهارد نفسه هو السبب.
الخطوة الخامسة: تشغيل الاختبار القصير
الأمر:
smartctl -t short /dev/sda
وظيفة الأمر تشغيل اختبار داخلى سريع للهارد.
قد يستغرق عدة دقائق حسب نوع القرص.
بعد انتهاء الوقت المطلوب نفذ الأمر التالى.
smartctl -l selftest /dev/sda
إذا ظهرت النتيجة:
Completed without error
فهذا يعنى أن الاختبار انتهى بنجاح.
أما إذا ظهرت رسائل مثل:
Read Failure
Completed with error
فيجب التعامل مع الهارد بحذر.
# الخطوة السادسه: تشغيل الاختبار الطويل
الأمر
smartctl -t long /dev/sda
وظيفة الأمر
إجراء فحص شامل لجميع أجزاء القرص لو مش محتاج ليه متعملوش لانه 
ممكن ياحد ساعه او اتنين   وممكن اكتر من كده على حسب  سعة الهارد وسرعته.
بعد انتهاء الفحص استخدم:
smartctl -l selftest /dev/sda
لمعرفة النتيجة النهائية
 حفظ التقرير فى ملف
يمكن حفظ التقرير للمراجعة لاحقاً.
smartctl -a /dev/sda > good_drive.txt
 كيف نحكم على حالة الهارد؟
الهارد السليم غالباً يتميز بالآتى:
 لا يوجد Reallocated Sectors
 لا يوجد Pending Sectors
 لا يوجد Offline Uncorrectable
 جميع الاختبارات ناجحة
 لا توجد أخطاء قراءة أو كتابة
أما الهارد المهدد بالفشل غالباً ستجد:
 Reallocated Sectors مرتفعة
 Pending Sectors أكبر من صفر
 Offline Uncorrectable أكبر من صفر
 فشل فى Self Test
 بطء أو تهنيج أثناء الاستخدام
 الخلاصة
برنامج Smartmontools من أقوى الأدوات المجانية لفحص الأقراص الصلبة وقراءة بيانات SMART.
لكن لا تعتمد على كلمة PASSED فقط.
الحكم الصحيح على حالة الهارد يكون من خلال تحليل القيم الداخلية مثل:
* Reallocated Sector Count
* Current Pending Sector
* Offline Uncorrectable
* Self Test Results
كلما تعلمت قراءة هذه القيم بشكل صحيح أصبحت قادراً على تشخيص مشاكل الهارد بدقة أكبر واتخاذ القرار المناسب قبل فقدان البيانات.

اقرأ المزيــد ←

إضافة اللغة العربية فى Windows 10

 إضافة اللغة العربية إلى Windows 10 (بدون أي أدوات خارجية)

 الطريقة الرسمية

افتح Settings (Win + I).

ادخل إلى Time & Language.

اختر Language.

اضغط Add a language.

اكتب Arabic في مربع البحث.

اختر العربية (يمكنك اختيار الدولة مثل:

العربية (مصر)

العربية (السعودية)

العربية (الإمارات)

أو أي دولة تناسبك).

اضغط Next.

حدد ما تريد تثبيته:

 Language pack

 Basic typing

 Speech (اختياري)

 Handwriting (اختياري)

اضغط Install.

تغيير لغة عرض ويندوز للعربية (اختياري)

بعد انتهاء التثبيت

من Settings > Time & Language > Language.

من Windows display language اختر العربية.

سجّل الخروج (Sign out) ثم سجّل الدخول مرة أخرى.

إضافة لوحة المفاتيح العربية فقط

إذا كنت تريد الكتابة بالعربية بدون تغيير لغة الويندوز:

Settings > Time & Language > Language

اختر Arabic ثم Options.

تأكد من وجود Arabic Keyboard.

أو من

Settings > Time & Language > Keyboard ثم أضف لوحة مفاتيح عربية.

التبديل بين العربية والإنجليزية

Alt + Shift

او شوف الفيديو 

اقرأ المزيــد ←

الـ Storage Controller

  الـ Storage Controller 

تخيل إن المدينة فيها مخازن (storage units) 

 الهاردات والـ SSDs وغيرها

 الـ Storage Controller هو المسؤول عن

تنظيم حركة البيانات بين المخازن والمعالج وبقية الأجزاء

تحديد أي مخزن يستخدم في أي وقت، مين يقرأ الأول، مين يكتب الأول

 كيفية التعامل مع التوازي أو الـ queue

تنفيذ البروتوكولات الخاصة بالتوصيل (SATA, NVMe, IDE، إلخ)

التعامل مع الحماية، مثل التحقق من الأخطاء (error detection/correction)،

 وتجهيز البيانات عشان تُكتب أو تُقرأ بسرعة وكفاءة.

الأجزاء اللي تكون منها الـ Controller

علشان نفهم الموضوع من جوة المدينة

Interface logic: الجزء اللي يفهم ويتكلم لغة البورت (مثلاً SATA أو NVMe أو IDE)

Queue management: لما يبقى فيه طلبات قراءة وكتابة متعددة

 الـ Controller ينظمها (أي طلب يُنفّذ أول – أولاً الدخول أو الخروج، أو حسب الأولوية)

Cache / Buffer: زي مستودع مؤقت للبيانات قبل الكتابة أو بعد القراءة، لتقليل الانتظار (latency)

DMA (Direct Memory Access)، أو نقل البيانات دون الاعتماد على المعالج كثيرًا. الـ Controller ممكن يسحب البيانات أو يدفعها من/إلى الذاكرة مباشرة بدون تدخل المعالج في كل بايت.

Error handling & correction: زي CRC أو ECC – حاجات بتتأكد إن البيانات لم تتلف أثناء النقل أو التخزين واستعادتها إن حصلت مشاكل.

Wear leveling & Garbage collection في حالة SSD: لأن الخلايا الإلكترونية لها عمر محدد، الـ Controller يدير توزيع الكتابة والقراءة، وتنظيف الخلايا التي لم تعد مستخدمة.

إزاي الـ Controller بيتعامل مع واجهات التوصيل المختلفة

أول حاجة نفهمها إن كل واجهة توصيل (Interface) زي طريق مختلف بيربط المخزن (الهارد/SSD) ببقية المدينة (المعالج والرام)

 كل طريق ليه مميزاته وليه التحديات بتاعته

 ودور الـ Controller إنه يتأقلم مع طبيعة الطريق ده وينظم الحركة عليه.

1. واجهة IDE / PATA

دي كانت أقدم الطرق، الكابل بتاعها عريض (40 أو 80 سلك) ومش مرن أوي. السرعة محدودة جدًا مقارنة بالنهاردة                          الـ Controller هنا كان بيضطر يدير حاجة اسمها Master وSlave: يعني لو فيه جهازين على نفس الكابل، واحد يبقى السيد وواحد يبقى التابع، وكل مرة واحد بس هو اللي يشتغل. ده سبب بطء وتأخير ملحوظ. كمان مفيش تعدد طلبات بشكل متطور، يعني لو المعالج طالب أكتر من عملية قراءة/كتابة، الدنيا تقف لحد ما كل واحدة تخلص.

2. واجهة SATA

لما SATA ظهر، غير اللعبة: الكابل بقى رفيع وصغير، وكل جهاز ليه كابله المستقل، فمبقاش فيه حكاية Master/Slave. السرعة زادت (لحد SATA III = 6Gb/s).  

 الـ Controller هنا اتطوّر: بقى فيه Native Command Queuing (NCQ)، ودي ميزة بتخلي الـ Controller يعيد ترتيب الطلبات بطريقة ذكية عشان يقلل وقت الانتظار. كمان بدأ يدير الطاقة بشكل أفضل (يطفّي أجزاء مش مستخدمة) ويدعم ميزة Hot-swap – يعني تقدر توصل أو تفصل هارد والجهاز شغال من غير مشاكل. بس برضه فيه حدود: حتى أسرع SATA مش يوصل لأرقام NVMe.

3. واجهة NVMe (على PCIe Bus)

هنا وصلنا للهاي واي السريع جدًا. NVMe مبني عشان يستغل سرعة الـ PCIe Bus، وده بيخلي التأخير (latency) قليل جدًا والسرعة رهيبة (آلاف الـ MB/s)

الـ Controller في الحالة دي بيبقى معقد جدًا: بيدير أوامر متزامنة بالمئات في نفس الوقت، ويعرف يوزعهم بكفاءة عالية. البروتوكول نفسه متصمم يقلل الكلام الفاضي (overhead) عشان كل حاجة توصل أسرع

لكن فيه تحديات: السرعة دي بتولد حرارة عالية، فمحتاج تبريد كويس. وكمان لازم اللوحة الأم والمعالج يكونوا بيدعموا NVMe عشان تقدر تستخدمه بكامل قوته

في NVMe، نقطة مهمة اللي نوسع فيها: حجم الـ queue، عدد الأوامر المتوازية، وكيف الـ controller يُترجم أوامر نظام التشغيل لقراءات وكتابات فعلية على NAND، وكيفًا يدار الـ TRIM & Garbage Collection.

اقرأ المزيــد ←

إزاي الكمبيوتر بيشوف التخزين (How Computer See Storage)

إزاي الكمبيوتر بيشوف التخزين 

أي كمبيوتر لازم يتعامل مع 3 مستويات من التخزين

 زي 3 أدوار في عمارة مدينة المازربورد

الكاش (Cache Memory)

مكانها: جوه المعالج (CPU) نفسه – يعني أقرب حاجة ليه

سرعتها: أسرع نوع تخزين

سعتها: صغيرة جدًا (KBs → MBs)

دورها: تخزن البيانات اللي المعالج بيستخدمها دلوقتي حالًا

الرام (RAM – Random Access Memory)

مكانها: على الماذربورد

سرعتها: أبطأ من الكاش

سعتها: أكبر (GBs)

دورها: تخزن البرامج والملفات المفتوحة حاليًا

 بتتفَرّغ أول ما الجهاز يتقفل

التخزين الدائم (Storage – HDD/SSD)

مكانه: الهارد ديسك (Hard Disk / Solid State Drive)

سرعته: أبطأ من الرام

سعته: ضخمة (GBs → TBs)

دوره: يخزن كل حاجة بشكل دائم حتى بعد ما الجهاز يتقفل (ويندوز، برامج، ملفاتك)

 لما تفتح برنامج بيحصل إيه

المعالج يطلب البيانات

لو لقاها في الكاش  يشتغل فورًا

لو مش موجودة  يروح للرام

لو مش موجودة في الرام  ينده على الهارد، ياخدها ويحط نسخة في الرام، ومنها للكاش

 Memory Hierarc – هرم الذاكرة

كل ما نقرب من المعالج  التخزين أسرع وأصغر

كل ما نبعُد  التخزين أبطأ وأكبر

 الخلاصة

الكاش = سرعة لحظية

الرام = مساحة مؤقتة وسريعة

الهارد = التخزين الدائم

وده سبب إن الجهاز ممكن يبقى بطيء في الفتح والتحميل لو الهارد HDD قديم

 حتى مع بروسيسور قوي ورام كبيرة

اقرأ المزيــد ←

الكاش ميموري (Cache Memory)

 الكاش ميموري (Cache Memory) 

تخيل معايا إنك بتدور على كتاب في مكتبة ضخمة (RAM)، بياخد منك 5 دقائق توصله  

لكن لو نفس الكتاب ده محطوط على مكتبك جنبك (جوا المعالج)

هو ده بالظبط دور الكاش ميموري

الكاش ميموري يعني إيه؟

ذاكرة صغيرة جدًا مساحتها بالـــ كيلوبايت أو ميجابايت 

سريعة جدًا جدًا  موجودة جوا المعالج (CPU)

وظيفتها

 تخزين البيانات أو الأوامر اللي البروسيسور بيستخدمها كتير علشان يلاقيها بسرعة بدل ما يضيع وقته يدور في الرام أو الهارد

الفرق بين الكاش والرام

RAM: كبيرة (جيجابايت)، بس أبطأ شوية

Cache: صغيرة جدًا، أسرع بمراحل

ببساطه

الرام هى الغرفة الخلفية فيها كل حاجة

الكاش هو مكتب قدامك عليه اللي محتاجه دلوقتي

مستويات الكاش (Cache Levels)

L1 Cache: أصغر (64 – 128KB)، أسرع حاجة، مخصوصة لكل نواة.

L2 Cache: أكبر (512KB – 1MB)، أبطأ شوية

L3 Cache: أكبر (حتى 32MB)، مشتركة بين كل النوى، وأبطأ من L1 و L2.

ليه الكاش أسرع من الرام؟

معمولة من SRAM (Static RAM) → سريعة جدًا.

بينما الرام معمولة من DRAM (Dynamic RAM) → أبطأ وأرخص.

المنطقة اللي بتحبها الكاش (Locality)

Temporal Locality (زمني): لو استخدمت حاجة مرة، غالبًا هتستخدمها قريب

Spatial Locality (مكاني): لو جبت عنصر من Array، الكاش تجيب اللي حواليه علشان أكيد هتحتاجهم

Hit vs Miss

Hit     : المعالج يلاقي البيانات في الكاش → سرعة فائقة

Miss  : مش موجودة → يروح للرام/الهارد → وقت أطول

أنواع الـ Miss

Cold Miss: أول مرة تطلب حاجة.

Conflict Miss: الكاش مليانة.

Capacity Miss: الكاش صغيرة ومفيش مكان.

الخلاصة

الكاش هو ذاكرة صغيرة، سريعة جدًا، جوه المعالج.

كل ما تكبر وتبقى أسرع الجهاز يشتغل أسرع.

الكاش أسرع من الرام، بس حجمها أصغر.

الرام أكبر من الكاش، لكن أبطأ منها.

اقرأ المزيــد ←

الرام (RAM) او الذاكرة

Random Access Memory 

 ذاكرة الوصول العشوائي 

ودي المكان المؤقت اللي بيتخزن فيه أي حاجة الجهاز بيشتغل عليها دلوقتي حالًا 

يعني لو فتحت متصفح، برنامج، لعبة... كلهم بيتخزنوا مؤقتًا في الرام

 علشان البروسيسور يقدر يشتغل عليهم بسرعة 

من غير رام الجهاز هيبقى بطــــيء جدًا... أو مش هيشتغل أصلاً

الرام بتعمل إيه بالظبط ؟

بتحمل أنظمة التشغيل والبرامج مؤقتًا

بتحفظ ملفات الجرافيك والتأثيرات اللي ظاهرالك

بتخلي التنقل بين البرامج أسرع

بتقلل الرجوع للهارد (اللي أبطأ بكتير)

الرام مش ذاكرة دائمة الرام بتتفَرّغ تمامًا أول ما الجهاز يتقفل

يعني لو شغلك مش متسيف هيروح في خبر كان 

وعلشان البروسيسور يشتغل بكامل قوته  لازم رام كويسة 

لأن الرام هي اللى بتغذي البروسيسور بالبيانات اللى هيشتغل عليها

لو الرام بطيئة أو صغيرة البروسيسور هيستنى كتير والأداء يقل

أنواع الرّامات

الرّامات اتطورت كتير على مدار السنين، وأشهر الأنواع

DDR2                 بطيئة جدًا           أجهزة قديمة قوي

          DDR3                    متوسط                 لابتوبات وأجهزة قديمة نسبياً

 DDR4                سريعة                    أغلب الأجهزة حاليًا

 DDR5             الأسرع حاليًا               أجهزة حديثة جداً

ملحوظة مهمة  الماذربورد والـCPU لازم يكونوا بيدعموا النوع عشان يشتغل

المصطلحات المهمة في الرام

الحجم (Size)  زي 4GB / 8GB / 16GB / 32GB

كل ما زاد، كل ما الجهاز يستحمل برامج أكتر في نفس الوقت.

التردد (Frequency) زي 2133MHz أو 3200MHz أو 4800MHz

كل ما زاد، البيانات تتنقل أسرع

التوقيتات (CL) زي CL16 كل ما الرقم قل، كل ما الاستجابة أسرع

قنوات التشغيل (Single / Dual Channel)  رامتين بنفس الحجم = أداء أعلى من واحدة بس

إزاي تعرف الرام مناسبة لجهازك

نوع الرام = لازم يتوافق مع نوع الماذربورد (DDR3/4/5)

الماذربورد بتستحمل قد إيه؟ شوف الـMax RAM

نظام التشغيل: لو 32-bit → مش هيقرأ أكتر من 4GB

مثال بسيط يوضح الصورة

تخيل إن البروسيسور هو "الطباخ"

والرام هي "الترابيزة اللي عليه المكونات"

لو الترابيزة صغيرة   مش هيعرف يشتغل مرتاح

لكن لو الترابيزة كبيرة وسريعة التوصيل   هيسرّع الطبخ جدًا

مميزات الرام 

بتسرّع الجهاز بشكل ملحوظ

ضرورية لتعدد المهام

مافيهاش أجزاء متحركة (بعكس الهارد)

عيوبها

مش بتخزن حاجة دايمًا

ممكن تكون غالية في الفئات العالية

فيه ناس بتحط كتير منها، والجهاز مش بيستفيد بيها أصلًا

الخلاصة

الرام في المدينه بتاعتنا عامله زى الشارع الرئيسي اللي العربيات (البيانات) بتمشي فيه بسرعة بين الإدارات (المعالج، الهارد، الشاشة)

كل ما الشارع (الرام) كان أوسع (مساحة أكبر) وكل ما الإشارات فيه ذكية وسريعة (تردد أعلى)

كل ماكان التوصيل بين مباني المدينة (المعالج، الرام، الهارد، الشاشة) كان أسرع وأسلس

ولو الرام زحمة أو ضيقة، البيانات هتتأخر توصل، والمدينة كلها هتزحَم وتبطّأ

اقرأ المزيــد ←

المعالج Cpu - Central Processing Unit كيف يعمل ؟

  المعالج (CPU) 

Central Processing Unit

يعني  "وحدة المعالجة المركزية"

المعالج هو  "مبنى الحكومه الرئيسى او العمده " بتاع الكمبيوتر

 هو المسؤول عن اتخاذ القرارات وتنفيذ التعليمات  

ومتابعة سير العمل ما بين كل المؤسسات (RAM، التخزين، كروت الشاشة، إلخ)

 من غيره  المدينة كلها هتقف

المعالج بيتكون من حاجتين أساسيتين

وحدة التحكم   CU  (Control Unit)

الوحدة الحسابية والمنطقية   ALU (Arithmetic & Logic Unit)

 وحدة التحكم - CU

دى بمثابة "مدير الحركة" أو "قائد الأوركسترا"، اللى بيفهم التعليمات، ويبدأ يوزع الشغل

أول حاجة توصل لـ CU هي التعليمات الجاية من الذاكرة (RAM)

CU بتقرأ التعليمات وتحدد هتروح فين، وهتشغل مين: تبعت حاجة لـ ALU؟ تسحب بيانات من RAM؟ تخزن حاجة؟

فيها نوعين

Hardwired CU  أسرع، لكنها متبرمجة من الهاردوير ومش سهلة تتغير

Microprogrammed CU  أبطأ شوية، لكنها مرنة وأسهل تتعدل من السوفت وير

وحدة الحساب والمنطق - ALU

الجزء ده زي "مركز العمليات الحسابية والمنطقية" في المدينة

هو اللى بيعمل العمليات الحسابية (جمع، طرح...) والقرارات المنطقية (أكبر من، يساوي...)

جواه دوائر منطقية Logic Gates، ودى اللى بتنفذ كل العمليات

مثلاً، لما CU تبعت له أمر "اجمع الرقمين دول"، ALU بياخد الرقمين ويطلع الناتج

 التخزين المؤقت داخل المعالج (Registers)

المعالج محتاج مكان صغير وسريع جدًا يخزن فيه البيانات المؤقتة 

 هنا بييجي دور الـ Registers

أسرع بكتير من RAM، لكنها بتخزن بيانات صغيرة ولمدة قصيرة

كل Register ممكن يخزن أمر، عنوان، ناتج عملية، أو أى بيانات محتاجة سرعة

  أنواع الـ Registers

Instruction Register (IR) بيخزن التعليمات اللى المعالج شغال عليها حاليًا

Address Register بيشاور على العنوان فى الذاكرة اللى هنقرأ منه أو نكتب فيه

Accumulator  بيجمع فيه نتايج العمليات

الذاكرة (RAM)  هي زي مخازن المدينة اللى بتحتوي على التعليمات والبيانات، لكن مش بسرعة الـ Registers

عبارة عن مجموعة كبيرة من الـ Registers مترتبة بتخزن البيانات والتعليمات اللى بيشتغل عليها المعالج

لما الكهرباء تقطع، كل البيانات اللى فيها بتروح (ذاكرة مؤقتة)

التعليمات (Instructions)

كل حاجة بيعملها الكمبيوتر، هي عبارة عن تعليمات صغيرة. التعليمات بتقول للمعالج

اجمع/اطرح

انقل بيانات من مكان لمكان

خزن

اقف

أمثلة 

LOAD_A 8 → حمل الرقم الموجود في العنوان 8 إلى المسجل A

LOAD_B 2 → حمل الرقم من العنوان 2 إلى B

ADD B A → اجمع B و A، وحط الناتج في A

STORE_A 23 → خزن الناتج في العنوان 23

سرعة المعالج: Clock Cycle

المعالج شغال بسرعة خرافية، بيقيس سرعته بالـ جيجاهرتز (GHz)

يعني

1GHz = مليار نبضة/ثانية

كل نبضة (Clock Cycle) يقدر المعالج ينفذ فيها أمر واحد أو أكتر حسب التطوير

علاقات الأداء

كل ما زادت الترددات → المعالج أسرع.

ممكن نحسن الأداء كمان لو قللنا عدد التعليمات المطلوبة.

Cache Memory (الذاكرة المخبأة)

CPU بيحب يكون ذكي، فبيخزن شوية تعليمات وبيانات متوقعة في ذاكرة اسمها Cache

لو لقاها موجودة بينفذها أسرع من الرجوع للـ RAM

لو البيانات فى الـ Cache مختلفة عن اللى فى الـ RAM

 بنسمي ده Dirty Bit

Instruction Pipelining

دورة حياة التعليمات داخل الـ CPU

Fetch → Decode → Execute → Store

Fetch: يجيب التعليمة من الرام.

Decode: يفهم التعليمة (عن طريق الـCU)

Execute: ينفذها (عن طريق الـALU)

Store: يحفظ النتيجة (في الريجسترات أو الكاش أو يبعته للرام).

تخيلها كأنها سير على خط إنتاج، كل محطة بتشتغل على جزء من أمر مختلف.

 Multi-Core CPUs

المعالجات الجديدة بقت فيها أكتر من نواة (Core)

كل نواة = معالج صغير. وكلهم بيشتغلوا مع بعض — زى مجموعة عمداء شغالين مع بعض في مدينة ضخمة.

اقرأ المزيــد ←

مستقبل الهاردات HDD - SSD - NVMe

مستقبل الهاردات   HDD - SSD - NVMe 

مع تطور التكنولوجيا بسرعة كبيرة، لازم نسأل نفسنا

إيه هو مستقبل التخزين في أجهزة الكمبيوتر؟ 

وهل الهاردات اللي بنشتغل عليها النهارده هتفضل معانا بكرا؟

تعالى نشوف مع بعض كل نوع من أنواع الهاردات ورايحه على فين في المستقبل

أولًا: الهاردات التقليدية (HDD)

لسه موجودة لكن دورها بيقل مع الوقت.

بطيئة وفيها ميكانيكا متحركة = أعطال أكتر.

 بتستخدم حاليًا في

السيرفرات ضخمة -التخزين الأرشيفى - أنظمة تسجيل وكاميرات المراقبه 

المستقبل بتعها فيه ايه او شغالين حاليا على ايه فيها 

تقنيات زي HAMR هتوصل بالسعات لأكتر من 50 تيرا.

لكنها هتفضل محصورة في "سعة ضخمة + أقل سعر".

ثانيًا: SSD SATA

اختيار ممتاز للترقية من HDD

 لكن

سرعته محدودة (سقف 550MB/s بسبب SATA)

موجود في أجهزة قديمة أو اقتصادية -  اللابتوبات الرخيصة

هيقل استخدامه قدام NVMe لكن لسه له مكان

ثالثًا: M.2 NVMe

ده بطل المرحلة الجاية

سرعات توصل لـ 14GB/s (PCIe Gen5)

حجم صغير – توصيل مباشر على المذربورد

كفاءة طاقة أعلى – حرارة أقل

استخداماته في  أجهزة الجيمنج  - برامج التصميم والتعديل  - السيرفرات الحديثة

التطور فيه باستمرار 

PCIe Gen6 – DirectStorage – QLC و PLC NAND

رابعًا: إيه الجديد بعد كده 

MRAM

 تقنيه جديده أسرع من SSD  عمرها  أطول

تحت التطوير

ZNS SSD

ذكي أكتر في التخزين - بدأ يتجرب 

Optane (3D XPoint)

أداء ممتاز لكن توقف تطويره تم الغاء المشروع من جانب شركه انتل 

CXL

هيخلي التخزين والرام والمعالج يشتغلوا كأنهم واحد!

بداية ثورة

الخلاصة

الهاردات من نوع HDD  بتشتغل فى الاأرشفة والسيرفرات وكاميرات المراقبه  موجوده  لكن بتقل

الهاردات من نوع SSD SATA أداءها  كويس وسعرها مناسب  بس استخدامها هيقل لصالح 

الـ NVMe  علشان هو الافضل حاليا وهو الاتجاه الرسمى لمعظم الشركات علشان السرعات العاليه الى حاليا وصلت 

لــ 14GB/s (PCIe Gen5) حجمها صغير وبتتوصل مباشر فى المازربورد  كفأتها اعلى وحرارتها اقل  والتطور بتاعها مستمر 

لو عجبك  المقال او عندك سؤال مستنى تعليقك 

اقرأ المزيــد ←

الباصات (Buses) في المازربورد

  الباصات (Buses) في المازربورد

شوارع المدينة الرقمية اللي بتمشي فيها المعلومات

تخيل معايا إن الكمبيوتر بتاعك هو مدينة رقمية ضخمة:

الـ CPU هو العمدة  او  مبنى الحكومة الرئيسي بتاع المدينة.

الـ RAM هي المصانع والمخازن او اماكن العمليات الى بتحصل فى المدينه 

الهارد هو الأرشيف  او مخزن المدينة .

الشاشة هي الواجهة اللي الناس بتشوف بيها المدينة.

طيب... إزاي كل الأماكن دي بتتواصل مع بعضها؟

إزاي المعلومة اللي في المخزن توصل مبنى الحكومة الرئيسي؟

وإزاي العمدة يبعِت أمر يروح للمخزن ؟

هنا بقى بييجي دور أبطال خلف الكواليس

 الباصات – أو شوارع المدينة

الباص = الجهاز العصبي للمدينة

الباص ببساطة هو مجموعة أسلاك أو مسارات مطبوعة على المازربورد

 بتشتغل كقنوات بينقلوا من خلالها البيانات والأوامر بين المكونات

كل باص بيكون ليه تخصص معين 

عندنا 3 شوارع رئيسيين

1- باص البيانات (Data Bus)

ده الشارع الرئيسي اللي بتمشي عليه "العربيات" اللي شايلة البيانات نفسها.

 وظيفته: ينقل الملفات، الأوامر، الصور... أي حاجة.

 بيتقاس عرضه بالـ Bit (زي 32Bit أو 64Bit)

 وكل ما كان أعرض، ينقل بيانات أكتر في نفس اللحظة

2- باص العناوين (Address Bus)

تقدر تقول عليه الـ GPS أو دليل العناوين.

 وظيفته: بيقول للبيانات تروح فين أو جايه منين.

عرضه بيحدد قد إيه الجهاز يقدر يوصل لحجم كبير من الذاكرة (RAM).

مثال

32Bit Address Bus → يوصل لـ 4GB RAM

64Bit Address Bus → يوصل لـ 16 إكسابايت (رقم خرافي)

3 - باص التحكم (Control Bus)

ده شرطي المرور بتاع المدينة.

وظيفته: بينظم كل الإشارات زي:

"ابدأ قراءة"

"استعد للكتابة"

"خلصت البيانات"

هو اللي بيمنع الحوادث أو تضارب البيانات.

 تطور الباصات من أول ما المازر بورد انتشرت 

زمان Front Side Bus (FSB)

ده كان الشارع الرئيسي زمان. بيربط المعالج مع الجسر الشمالي، اللي بيتعامل مع الرام وكرت الشاشة.

لكن مع الوقت، بقى زحمة وبطيء، وبيسبب عنق زجاجة (Bottleneck).

دلوقتي: PCI Express (PCIe)

ده الأوتوستراد الحديث!

سريع جدًا

كل مكون بياخد طريق خاص بيه

بييجي بمسارات (Lanes): x1 - x4 - x8 - x16

كروت الشاشة مثلاً بتحب تمشي في طريق 16 حارة عشان البيانات بتاعتها كتيرة

كل جيل جديد منه أسرع:

PCIe 3.0 → 4.0 → 5.0 → دلوقتي وصلنا لـ 6.0

SATA Bus

ده شارع جانبي مخصوص للهاردات وأقراص SSD القديمة. أبطأ من PCIe، لكنه كافي لوحدات التخزين التقليدية.

الباصات الجديدة = ذكاء أكتر وسرعة أعلى

النهارده، المعالجات بقت بتتعامل مع الرام بشكل مباشر، من غير المرور على الجسر.

زي ما تقول "أمر مباشر من العمدة للمخزن".

تقنيات حديثة

Intel: Direct Media Interface (DMI)

AMD: Infinity Fabric (بتربط حتى أنوية المعالج ببعضها)

ليه الكلام ده مهم ليك؟

هتعرف إيه يتوافق مع إيه وانت بتجمع جهاز.

هتتفادى عنق الزجاجة.

مش هتضيع سرعة SSD حديث في مدخل بطيء.

هتفهم الفرق بين ماذربورد قديمة وحديثة.

الخلاصة

الباصات في المازربورد دي مش بس شوارع...

دي اللي بتخلي كل المكونات تشتغل مع بعض كأنها فريق واحد.

من غيرها، المكونات تبقى جزر منعزلة مش عارفين يتكلموا مع بعض.

يعني باختصار:

الباصات = روح المازربورد

اقرأ المزيــد ←

CMOS - البطارية

 CMOS - البطارية

 الذاكرة الصغيرة وحارس الوقت في مدينة الماذربورد 

CMOS = "Complementary Metal-Oxide Semiconductor"

ده نوع خاص من أنواع شرائح الذاكرة وبتتميز باستهلاكها القليل جدًا للطاقة

وعلشان كده كانت أنسب اختيار إنها تشتغل مع بطارية صغيرة وتفضل محتفظة بالبيانات حتى بعد ما الجهاز يتقفل

طيب بتعمل إيه؟

الـ CMOS بتخزن الإعدادات الحيوية للجهاز زي

ترتيب الإقلاع (Boot Order)

توقيت وتاريخ النظام

إعدادات الهاردات والبورتات

إعدادات حماية الباسورد لو موجودة

بتشتغل إزاي؟

أثناء إيقاف تشغيل الكمبيوتر البطارية بتغذي 

شريحة CMOS بطاقة بسيطة علشان تحفظ الإعدادات دي.

أول ما الجهاز يشتغل، BIOS بيروح يقرأ البيانات من CMOS ويبدأ على أساسها.

البطارية

 الاسم الشائع: بطارية CMOS

لكن اسمها التقني عادة: CR2032 – بطارية ليثيوم مستديرة.

تقوم بتغذية شريحة CMOS بالطاقة وقت ما الجهاز مطفي.

المحافظة على التوقيت والتاريخ.

غالبًا عمرها الافتراضى من 5 لـ 10 سنين.

أول علامة إنها بدأت تخلص: تلاقي الساعة بتتلخبط كل ما الجهاز يتقفل.

زمان في كل الماذربوردات كان لازم تلاقي شريحة CMOS وبطاريتها.

لكن مع تطور التكنولوجيا بعض اللابتوبات الحديثة دمجوا الإعدادات دي في شريحة مدمجة مع BIOS أو UEFI.

وفي بوردات جديدة بقت تحتفظ بالإعدادات دي حتى من غير بطارية

 أو بتستخدم بطارية مختلفة داخلية ما ينفعش تبديلها بسهولة.

مكانها بقى فى المدينه بتاعتنا !!

CMOS زي مكتب الأحوال المدنية

 فيه سجل المعلومات الأساسي: أسماء السكان (الهاردات)

 أدوارهم (إعدادات البوت)، وبياناتهم الشخصية (تاريخ/وقت).

البطارية زي مولد كهرباء صغير للطوارئ، شغال دايمًا علشان المكتب ده يفضل شغال حتى لو النور قطع (يعني الجهاز اتقفل). 

الخلاصه

CMOS + البطارية هما القلب الصغير اللي بيحافظ على هوية الجهاز لما يطفي.

من غيرهم، كل مرة هتشغل جهازك كأنك بتبدأ من الصفر.

وبرغم إن وجودهم قل في بعض الأجهزة الحديثة، لكنهم ما زالوا عنصر أساسي في كتير من الماذربوردات المكتبية واللابتوبات.

اقرأ المزيــد ←

تجميعة Elsakar Tech AIO 2025

تجميعة Elsakar Tech AIO 2025 

 كل اللي جهازك محتاجه في مكان واحد

النهاردة حابب أشارك معاكم أول إصدار من تجميعة البرامج الاحترافية "Elsakar Tech AIO" 

الهدف منها توفير أداة متكاملة تساعد أي مستخدم أو فني صيانة إنه يجهز جهاز الكمبيوتر خلال دقائق

 من غير ما يتوه وسط برامج أو ملفات مشتتة.

 مكونات التجميعة

 

 صفحة Pc Info – اعرف كل تفاصيل جهازك بدقة

الصفحة دي بمثابة تقرير فني متكامل عن حالة جهازك ومواصفاته، وبتعرض:

اسم نظام التشغيل (Windows 10 أو 11 حسب الإصدار)

نوع النسخة (Professional – Home – Enterprise …إلخ)

المعمارية (32-بت أو 64-بت)

 Build Number

اسم المستخدم واسم المجموعة

عنوان IP، والـ Gateway، والـ MAC Address

موديل الجهاز ونوع البيوس

عدد ومساحة الهاردات المتوصلة بالجهاز (حتى 4 هاردات أو USBs)

حجم الرام الكلية والمتاحة

حجم الـ VRAM المستخدم والمتبقي

نوع كارت الشاشة واسم المعالج

دقة الشاشة – معدل التردد – عمق الألوان

 كل ده بيتم سحبه تلقائيًا من النظام باستخدام دوال برمجية

صفحة تسطيب البرامج – اختار بس اللي محتاجه

قسمنا البرامج لخمس مجموعات رئيسية علشان تقدر توصل لكل برنامج بسهولة: 

🎞️ برامج الميديا:

Winamp

VLC

GOM Player

K-Lite Codec Pack

KMPlayer

 

📚 برامج المستندات:

Adobe Reader

Foxit Reader

PDF XChange

Notepad++

 

🌐 متصفحات الإنترنت:

Google Chrome

Mozilla Firefox

Opera

Brave

 

🛠️ أدوات النظام:

WinRAR

7-Zip

.NET Framework

Java Runtime

Rufus

AnyDesk

TeamViewer

 

🧾 برامج Office:

Microsoft Office 2010 عربي / إنجليزي

Microsoft Office 2016 عربي / إنجليزي

 

🖱️ كل برنامج تقدر تختاره من الواجهة بسهولة، وبضغطة واحدة يبدأ التثبيت.

 

3️⃣ صفحة التفعيل – تفعيل احترافي وسهل

الصفحة دي من أجمل وأقوى الصفحات داخل التجميعة لأنها بتوفر:

تفعيل كل نسخ ويندوز من 7 لحد 11

تفعيل كل نسخ Office من 2010 لحد Office 365

باستخدام PowerShell مباشر بدون الحاجة لبرامج خارجية أو ملفات تنفيذية مش موثوقة

💡 الملف يفتح الـ PowerShell تلقائيًا وينفذ الأمر المطلوب بأمان وسرعة.

 

🧠 الفكرة من الأداة:

بدل ما تكون عندك مجلدات مليانة برامج مبعثرة، أو كل شوية تدخل تدور على روابط تحميل، التجميعة دي بتقدم كل ده في واجهة واحدة، بسيطة وسريعة، وسهل تحديثها مستقبلًا.

 

ℹ️ تفاصيل إضافية:

اسم التجميعة: Elsakar Tech AIO

مناسبة لـ: فنيين الصيانة – المستخدمين العاديين – الأجهزة الجديدة

حجم الأداة: (4 جيجا)

تعمل بدون تثبيت (Portable)

🎁 لو عندك اقتراحات لإضافة برامج أو تحسينات للنسخة الجاية، اكتبلي في التعليقات أو ابعتلي رسالة، والنسخ الجاية هتكون أقوى إن شاء الله.

 شارك الموضوع لو حابب تفيد غيرك

📌 تابعنا للمزيد من الأدوات والملفات المفيدة

اضغط هنا للتحميل 

🔖 #Elsakar_Tech

🔖 #AIO

🔖 #تجميعة_برامج

🔖 #AutoPlay_Media_Studio

🔖 #Pc_Info

اقرأ المزيــد ←