اختبر حالة الهارد ديسك بتاعك بنفسك
هنتكلم عن طريقتين تقدر بيهم تفحص حالة الهارد ديسك عندك
سواء كان HDD أو SSD أو M.2 أو NVMe
كل الطرق سهلة وبسيطة، والمستخدم ليه حرية الاختيار بين الأداتين
برنامج 1: CrystalDiskInfo
برنامج مجاني وخفيف، بيدي بيانات فورية عن حالة الهارد. مناسب للمستخدم العادي اللي عاوز يتطمن بسرعة.
خطوات الاستخدام:
نزّل البرنامج من الموقع الرسمي
شغله وهتظهر حالة الهارد فورًا في أول سطر.
ابحث عن كلمة "Good" أو "Caution" أو "Bad" علشان تعرف الحالة العامة.
أهم القيم اللي تهمك
Power-On Hours: عدد ساعات تشغيل الهارد
Temperature: درجة حرارة الهارد (المثالية: 30 – 50)
Reallocated Sectors Count: عدد القطاعات التالفة المعاد تخصيصها (لازم تكون صفر)
Current Pending Sector: قطاعات مش قادرة تتقري حاليًا (خطر لو مش صفر)
برنامج 2: Hard Disk Sentinel
برنامج احترافي بيوضحلك كل حاجة عن الهارد، وبيقدملك تقييم شامل (Health – Performance – Temperature) + تحليل بصري.
خطوات الاستخدام
نزّل البرنامج من الموقع الرسمي (في نسخة مجانية ونسخة تجريبية)
شغله وهتلاقي تقييم الهارد باين من أول شاشة
ممكن تشوف كل هارد على حدة، وتعرف العمر الافتراضي التقريبي
أهم القيم اللي تهمك
Health %: النسبة العامة لصحة الهارد (كل ما كانت قريبة من 100 كل ما كان أحسن)
Performance %: أداء الهارد، خصوصًا في أقراص SSD
Lifetime Writes: إجمالي الكتابة (مهم جدًا في SSD / M.2)
Wear Leveling Count: مؤشر لتآكل شرائح NAND (SSD)
طيب أختار أنهي برنامج؟
لو عايز تشوف حالته بسرعة وبساطة: CrystalDiskInfo
لو بتدور على تحليل شامل وبيانات مفصلة: Hard Disk Sentinel
تنبيه مهم
سواء كان الهارد عندك HDD أو SSD أو M.2 أو NVMe
القيم اللي فوق دي هي الأهم. لو لقيت أي نسبة غريبة أو قطاعات تالفة، انقل ملفاتك فورًا وخليك مستعد لاستبدال الهارد.
وفي الختام: متنساش تراجع حالة الهارد بتاعك كل فترة. أي مشكلة بسيطة في الهارد ممكن تكلفك بيانات غالية لو محتاج تحليل لأي
قيمة ظهرتلك
ابعتلنا صورة من البرنامج على صفحة Facebook أو سيب تعليق هنا وهنرد عليك
